Isang aso na iniligtas ng kaniyang among babae, hindi nagmimintis na yakapin ang kaniyang amo araw-araw buhat nang araw na iniligtas siya nito!

Si Kylo ay isang napakacute na “rescued dog”. Talaga namang noon pa man ay tila labis na itong nagpapasalamat sa taong nagligtas sa kaniya mula sa isang shelter at hindi ito nagmimintis ng araw na yumakap sa kaniyang amo.

Sampung buwang gulang pa lamang noon si Kylo nang siya ay dinala sa West Memphis Animal Shelter. Nailigtas siya ng naturang shelter at ilang buwan din siyang naghintay ng pamilyang muling kakalinga sa kaniya.

Ilang panahon pa ang lumipas at tila walang may nais na mag-ampon sa kawawang aso. Tila nawawalan na rin ng pag-asa ang mga staff roon hanggang isang araw ay mayroong isang pamilya na tila nagkaroon ng interes na siya ay ampunin.

Ayon naman sa kaniyang fur mom, talagang napaka-sweet daw ng asong si Kylo sa kaniya.

“As soon as I sit down to take off my shoes he climbs into my lap to be held,” pahayag ng kaniyang amo na si Meghan Sweer.

“If I don’t sit down for our cuddle time he follows me around with the saddest most pathetic look on his face until I give in and hold him.” Dagdag pa niya.

Noon pala ay hindi talaga nakaramdam ng pagkalinga ang asong si Kylo mula sa mga pamilyang una nang nag-ampon sa kaniya. Ngayon na lamang siya naaalagaan ng kaniyang among si Meghan at mister nito.

“He crawled into my lap, tucked his head under my chin, and started snoring like a chainsaw. From that moment my husband and I knew he was staying with us!” Pagkukwento pa ni Meghan.

“The Hugging Dog” na nga ang taguri kay Kylo dahil talagang napaka-clingy nito. Marahil ay palagi lang siyang nagpapasalamat sa pagkakataon na naibigay sa kaniya na maging bahagi ng masayang pamilyang mayroon siya ngayon.

Tunay nga na napakapalad ni Kylo sa kaniyang mga amo at mapalad din naman ang kaniyang pamilya dahil sa kaniya.