Amazing
Isang lumang bahay, nagkaroon ng napakagandang resulta matapos ang “minimalist renovation” dito!
Hindi natin maipagkakaila na maraming mga Pilipino ang nangangarap na magkaroon sila ng sarili nilang bahay na masasabi talaga nilang kanila. Sadyang napakamahal na kasi ng presyo ng lupa sa ngayon maging ang mga materyales sa pagpapagawa ng bahay ay talagang napakataas na rin.
Sa kabila ng hamon na ito ay marami pa ring nagsusumikap na mabago ang kanilang buhay at sa wakas ay makapagpundar na ng pangarap nilang bahay at lupa. Kung marami sa atin ang nagsasabing imposibleng makamit an gating “dream house” dahil sa aabutin talaga ito ng ilang milyong piso, pinatunayan naman ng netizen na ito na hindi mo na kailangan pang gumastos ng malaki magkaroon ka lamang ng magandang bahay.
Ayon sa post ng netizen na nakilala bilang si Surumpa Jareonsin, marami ang nabigla sa naging transpormasyon ng luma nilang bahay. Nagmukhang mas maaliwalas at malinis ang kanilang bahay nang mapinturahan ito ng puti.
Ang kanilang buong bahay ay sumailalim sa isang “minimalist renovation”. Ang kanilang kusina o “kitchen area” ngayon ay talagang napakalinis at napakaluwag nang tingnan.
Maging ang kanilang hagdan ay mas naging elegante ring tingnan ngayon kaysa sa luma nilang hagdanan. Ang kanilang kwarto naman ay simple lamang ngunit talagang marerelaks ka ng husto dahil sa mga “light colors” at simpleng mga kagamitan na inilagay roon.
Ang kanilang sala o “living room” naman ay mayroon na ring “minimalist touch”. Mayroon ditong isang simple at mahabang sofa at isang halaman. Maaari din palang magkaroon ng isang maganda, maaliwalas at eleganteng tahanan kahit sa murang halaga.
Talaga namang maraming mga netizens ang hindi na nakapagpigil pa sa pagkokomento at pagsasabing pangarap din nilang magkaroon ng ganitong tahanan. Simple lamang ngunit talagang nanaisin mong umuwi kaagad matapos ang isang nakakapagod na araw sa trabaho.
Maaari din palang maisakatuparan ang pangarap nating bahay nang hindi tayo gumagastos ng milyong halaga ng salapi.